Mae problemau iechyd meddwl yn effeithio ar tua un ymhob chwech o blant. Mae hyn yn cynnwys iselder, gofid a newid mewn ymddygiad.
Dydy hyd at 75% o’r plant heddiw ddim yn cael y gefnogaeth sydd ei hangen arnynt i wella eu hiechyd meddwl.
Mae lles meddyliol plant yr un mor bwysig â’u lles corfforol. Mae iechyd meddwl da yn helpu plant i ddatblygu’r gwytnwch i wynebu heriau bywyd, ymdopi â nhw a thyfu’n oedolion iach a chyflawn.
Pethau a all helpu plant a phobl ifanc gyda’u hiechyd meddwl:-
Pethau sy’n effeithio ar iechyd meddwl plant a phobl ifanc:
Un cwestiwn allweddol i’w drafod ydi a yw'r cyfryngau cymdeithasol yn cael effaith andwyol ar iechyd meddwl plant a phobl ifanc.
Shwmae!
A dyma ni nawr yn 2022! Ond beth gyflawnes i yn 2021? Rhai o eiriau BLWYDDYN Y CORONAFEIRWS sy’n dod i’r cof:
Mae lles personol yn flaenoriaeth i bob unigolyn. Mae’n bwysig i’w ystyried yn ddyddiol a hefyd ystyried lles eraill o’ch cwmpas. Mae Wythnos Ymwybyddiaeth Iechyd Meddwl bob mis Chwefror 7fed i’r 13eg yn ein hatgoffa yn flynyddol mai iechyd meddwl iach sydd yn arwain at hapusrwydd personol.
Beth Sy’n Gwneud inni Deimlo’n Dda?
Mewn bywyd mae sawl peth a all ein helpu i deimlo’n dda a dyma i chi ychydig ohonynt i chi eu hystyried.
Cadw’n Bositif
Ar brydiau mae hi’n haws i ganolbwyntio ar y pethau negyddol mewn bywyd a cholli ffocws ar y pethau positif sydd wedi digwydd yn ystod y dydd. Beth am gadw jar diolchgarwch? Mae hyn yn ffordd wych o’ch atgoffa am y pethau cadarnhaol yn eich bywyd. Ysgrifennwch rywbeth rydych yn ddiolchgar amdano bob dydd a’u rhoi mewn jar.
Daliwch arnynt a phan rydych yn teimlo’n isel, trowch atynt i’ch atgoffa am y pethau positif sydd yn eich bywyd.
Gofyn am Gymorth
Mae plentyndod a’r arddegau yn gyfnod anodd iawn lle mae unigolion yn newid a datblygu yn gyflym iawn. Daw sawl problem a phwysau mawr i’ch herio megis arholiadau, perthnasau a phwysau dyddiol eraill.
Ar adegau fel hyn, mae’n bwysig nad ydych yn teimlo’n anweledig a’ch bod yn defnyddio eich llais i rannu eich gofidiau a gofyn i oedolyn am gymorth.
Weithiau mae rhai problemau nad oes modd eu datrys ar eich pen eich hunan. Gall troi at rywun arall roi dimensiwn gwahanol ar y broblem. Efallai bod eu profiad blaenorol wedi eu helpu i wynebu problemau tebyg a bod yr atebion ganddynt i’ch helpu chi.
Mae rhannu’r broblem yn sicr yn haneru’r broblem ac yn rhyddhad gan nad ydych ar eich pen eich hunan rhagor.
Cofiwch:
Sut i ddechrau’r sgwrs:
Myfyrio
Dwi wedi clywed fod pobl yn ‘Myfyrio’. Ond sut a pham maen nhw’n gwneud hyn?
Ydy bywyd bob dydd yn llawn straen?
Mae myfyrio yn magu gwydnwch i ymladd straen.
Ydy pobl yn poeni am eu hiechyd?
Mae astudiaeth wyddonol wedi profi fod myfyrio yn gostwng pwysedd gwaed a magu calon iachach.
Ydych chi’n hapus?
Mae myfyrio yn hyrwyddo cemeg yr ymennydd i chi fod yn hapusach.
Ydych chi’n dioddef pryder dyddiol?
Mae ymarfer myfyrio aml yn goleuo stad y meddwl.
Sut alla i fod yn fwy creadigol?
Mae bod yn effro a heddychlon yn agoriad i bosibiliadau gwell.
Mae sawl dull o fyfyrio i chi ymarfer. Beth am ymchwilio ymhellach i ddarganfod y ffordd orau o fyfyrio sy’n gweithio i chi?
Sŵn y Nant,
Llangoed
SA14 3BE
05/02/2022
Annwyl Cadi,
Sut mae’r hwyliau erbyn hyn? Gobeithio dy fod yn cadw’n iawn. Ges di rodd ar Ddiwrnod Santes Dwynwen? Ni chefais i ddim ac nid oeddwn yn disgwyl dim a dweud y gwir!
Meddwl buaswn yn rhannu gofid gyda thi gan nad wyf yn sicr at bwy arall i droi ato. Am ryw reswm mae criw o ferched blwyddyn 7 wedi cymryd yn fy erbyn, dwi’n credu am y rheswm bod gennyf wallt coch a fy mod ychydig yn fyrrach na gweddill y plant yn fy mlwyddyn. Ar y dechrau roeddwn yn gallu eu hanwybyddu, ond nawr mae’r gwawdio yn ddyddiol ac maent yn mynd allan o’u ffordd i fy nilyn amser cinio. Dwi’n ceisio fy ngorau i’w hosgoi ond maent yn llwyddo i fy ffeindio ac mae’r gwawdio yn gwneud i mi deimlo’n isel fy ysbryd. Mae fy ffrindiau eraill yn dweud wrthynt am gau eu cegau ond nid ydynt yn gwrando dim! A dweud y gwir, y mwyaf maent yn dweud wrthynt y mwyaf uchel maent yn fy ngwawdio. Ymddiheuriadau am rannu fy mhroblemau gyda thi ond meddwl efallai byddet yn gwybod beth i wneud.
Diolch i ti am wrando ac unrhyw syniadau i fy helpu byddwn yn ddiolchgar.
Hwyl am y tro,
Mabli
